Ish-deputeti i Partisë Demokratike, Edi Paloka, shprehet se Rama dje në parlament përdridhej e përpiqej të fshihej për çështjen e detit me Greqinë.
Me anë të një statusi në “Facebook”, Paloka shkruan se Edi Rama është një matrapaz, që për interesa të tij shet gjithçka.
Postimi i Edi Palokës:
Rama është një gënjeshtar i pafytyrë që përdridhet e përpiqet të fshehë kokën si struci sa herë kapet në flagrancë me matrapazlliqet e tij. Kjo është faktuar më se një herë , matrapazlliku me detin është vetëm rasti më i fundit.
Doli fillimisht e deklaroi se “është e drejtë e Greqisë të zgjerohet me 12 milje”, ndërsa dje e pamë se si përdridhej me ato batutat e tij të lodhura!
“Nuk ka ku të zgjerohet Greqia 12 milje” deklaroi ndër të tjera.
Po pse një javë më parë kishte ku shtrihej Greqia e sot nuk paska me ku të shtrihet ?! Çfarë ndryshoi ?! Se “deti aty është nuk lëviz” ( kështu ironizoi Rama dje). Atëherë çfarë ndryshoi që e bëri Ramën të përdridhet?
Vetëm fakti që çështja mori përmasat e skandalit e matrapazi u kap dhe një herë në flagrancë.
Atëherë kur edhe Pashai i tij ( Myslymi) u detyrua të dalë publikisht e të pranojë se “ harta e paraqitur është rrëzuar që në 2010 nga GJK”.
Shqiptarët “ja kanë marrë dorën” matrapazlliqeve e përdredhjeve të Ramës madje që në fillimet e tij politike.
A nuk bëri të njëjtën gjë me Kosovën? E mohoi kur plasi skandali, po nuk e lanë të gënjente gjatë. E denoncoi Berisha, e konfirmoi Haradinaj dhe e vulosi Bolton ; Jo vetëm që ndarja e Kosovës ishte shtruar për diskutim po dhe “meritën” e propozimit, Vuçiç ja la Edvin Ramës. Por kjo nuk e pengoi që me pafytyrësinë tipike të tij, dje në sallën e Parlamentit, të arrinte deri aty sa marrëveshjen e nënshkruar në Washington ta konsideronte si marrëveshjen për të cilën paskësh qenë dakort që në fillim ky e Vuçiç kurse ata që i dogjën në dorë ndarjen e Kosovës , thjesht e paskan vonuar marrëveshjen…Krejt i pafytyrë, po i del boja ndërkohë.
Shqiptarët, kudo që jetojnë e dijnë mirë se Rama është një matrapaz që për pushtetin dhe interesat e tij shet çdo gjë!
