Pas deklaratave të kryeministrit, ka reaguar kreu i grupit parlamentar të PD Edi Paloka, ku tha se Rama numëroi protestuesit si premtimet e tij të pambajtura dhe arat me kanabis gjatë kamandatit katër vjeçar.
Në një deklarat për mediat, Paloka tha se shqiptarët sot treguan masivisht se nuk do të lejojnë vjedhjen e zgjedhjeve.
“Çdo shqiptar e di se sa merr vesh nga numrat Edi Rama. Sot i numëroi qytetarët që u ngritën kundër tij ashtu siç ka numëruar këto katër vite plantacionet e kanabisit. Ashtu siç ka numëruar 300 mijë vendet e punës dhe rritjen e rrogave.
Shqiptarët ishin në bulevard kundër tij dhe veglave të tij, kurse Edi Rama ja mbathi jo vetëm nga zyra por edhe nga Tirana”, tha Paloka.
Paloka paralajmëroi Ramën se nuk ka parë gjë akoma dhe se numërimi mbrapsht po troket.
