Ish- deputeti demokrat Edi Paloka ka akuzuar kryeministrin Edi Rama se edhe në këtë garë elektorale ku në shumicën e bashkive nuk ka kandidatë përballë atyre të PS-së, ka blerë vota.
Në një deklaratë për mediat nga selia blu, Paloka ka shfaqur një video, ku sipas tij tregohet se jepen lekë për blerjen e votës, nga “një grup i strukturuar kriminal i PS-së dhe Bashkisë së Tiranës”, siç ai shprehet.
“PD ka identifikuar një nga personat e përfshirë sipas tij në krim zgjedhor, Edmond Hajro, komisioner i PS-së tek njësia numër 9, është gjithashtu dhe administrator i një pallati i emëruar nga Bashkia e Tiranës. I bëj thirrje që qytetarët të bashkohen me personat e tjerë që po protestojnë pranë disa qendrave të votimit, përmes thirrjeve për të mos votuar”, u shpreh Paloka.
https://www.facebook.com/partiademokratike/videos/467400953824596/?t=5
