Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Paloka për ministrin e ri: Një i korruptuar do menaxhojë paratë e ndihmave

Nga Klodiana 0

Nënkryetari i Partisë Demokratike, Edi Paloka, ka reaguar pas vendimit të Ramës, të emërojë Arben Ahmetaj si ministër Shteti për Rindërtimin.

Në një postim në rrjetet sociale, Paloka thekson se Arben Ahmetaj sa ishte ministër Ekonomie është akuzuar për korrupsion.

Reagimi i plotë i Palokës

E kam thënë disa herë këto ditë; gjithnjë në situata të vështira e të jashtëzakonshme nxjerrin kokën spekullantë që përfitojnë nga fatkeqësia. Kryesisht ata janë pazarxhinj pa shpirt që kur shohin që ka nevojë të shtuar për dicka menjëherë rrisin çmimet dhe pazarin!

Fatkeqësia jonë është se si kryespekullant kemi kryeministrin që i lë në hije ata që vjedhin qeset e ndihmave apo rrisin qeratë e shtëpive për hallexhinjtë…

Deri tani Rama ka spekulluar politikisht, duke u përpjekur që nëpërmjet propagandës së përditshme, minimalisht ti shpëtojë përgjegjësisë direkte për këtë fatkeqësi dhe viktimat që solli.
Sot, Rama vërtetoi se i është “hapur zorra” dhe spekullimin nuk ka ndërmend ta lërë vetëm në rrafshin politik.

E mbani mend; një nga thirrjet e para që bëri Rama ishte për të ndaluar sjelljen e ndihmave materiale dhe ofrimin e mjeteve monetare, parave, megjithëse njerëzit ishin në nevojë (janë dhe sot) për ushqime dhe mjete të tjera.

Caktimi i Ahmetajt si personi që do të menaxhonte ndihmat financiare, ngjalli menjëherë reagim jo vetëm nga opozita. Ahmetaj është nga ish-ministrat me të akuzuar për korrupsion në një qeveri dhe administratë që vetëm pak ditë më parë u shpall nga organizmat ndërkombëtare si një nga qeveritë më të korruptuara në botë.

Por kjo jo vetëm nuk e frenon Ramën po përkundrazi si në çdo rast tjetër, është kriter për ta emëruar Ahmetajn prapë ministër që do të menaxhojë paratë e ndihmave. E kjo ndodh pikërisht ditën që BE vendos për zhvillimin e konferencës së donatorëve.
Në këtë moment , ky kryeminister që e ka çuar vendin drejt rrënimit të gjithanshëm ; politik, ekonomik e social po kërkon ta grabisë dhe në kulmin e tragjedisë. Shikimi i tij në këto momente nuk shkon tek njerzit në fatkeqësi por tek milionat që shpreson të marrë nga bota, jo që ti përdor për shqiptaret, por si një mundësi tjetër për të vjedhur.
Emërimi i Ahmetajt është prova e nuk ka nevojë për të tjera.

Uroj që donatorët( siç kanë bërë deri më sot që nuk i kanë besuar qeverisë) të kontrollojnë vetë e ti venë ndihmat në funksion të shqiptarëve e mos i lënë në dorë të grabitqarëve. Mëkatet e kësaj qeverie me shqiptarët janë boll të rënda, mos i lejoni ta bëjnë dhe këtë.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej