Pas votimit në parim “Paketës Antishpifje”, mediat shqiptare kanë paralajmëruar një protestë e cila pritet të mbahet mëngjesin e të mërkurës, datë 18 dhjetor përpara Parlamentit.
Ndër të tjera, ato i bëjnë thirrje qytetarëve t’i bashkohen kauzës së tyre dhe të lejojnë të triumfojë fjala e lirë.
Paketa kaloi sot në Komisionin e Ligjeve dhe pritet të miratohet në Parlament, në seancën e rradhës.
Kujtojmë se Partia Demokratike zhvilloi sot një takim më përfaqësues të mediave dhe partive politike gjatë të cilit u diskutua për rrugët e anullimit të këtyre dy projekt ligjeve.
