Ashtu siç ishte paralajmëruar rreth dy javë më parë, në seancën e sotme parlamentare do të zhvillohet mocioni me debat me kryeministrin Edi Rama, lidhur me skemën e heqjes nga ndihma ekonomike e 20 mijë familjeve.
Por Kuvendi nisi fillimisht kur Rama nuk ishte i pranishëm pasi ishte në një takim me ministren e Jashtme të Kroacisë prandaj me kërkesë të PD-së seanca u shty për disa minuta derisa në Kuvend erdhi kryeministri Rama.
“Ne kemi kërkuar mocion me debat me kryenministrin për heqjen nga skema e ndihmës ekonomike të 20 mijë familje dhe këtu nuk kemi kryeministrin. Si mund të fillojmë kur ai nuk është këtu. Ju sugjeroj të ndërprisni seancën, të thërrisni kryeministrin dhe të fillojmë”, tha Spaho.
Nga ana e tij Ruçi iu përgjigj duke thënë se, “Kryeministri është duke mbërritur, pasi është në një takim me ministren e jashtme të Kroacisë. Prezantimi i bëhet seancës, megjithatë nëse doni ju…mos kini merak se këtu do ta kini kryeministrin”.
