Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Pak ditë pasi kritikoi Trump, ambasadori britanik në SHBA jep dorëheqjen

Nga Klodiana 0

Ambasadori i Britanisë së Madhe në Shtetet e Bashkuara, Kim Darroch, dha dorëheqje pak ditë pasi disa dokumente të tij diplomatike, në të cilat kritikohej Presidenti amerikan, Donald Trump kanë rrjedhur në publik.

Trump e quajti Darrochin “budalla” dhe “të krisur”, pas publikimit të dokumenteve të klasifikuara të ambasadorit, në të cilat ai e cilëson administratën e presidentit amerikan si “të paaftë”.

Darroch tha të mërkurën se mandati i tij do të përfundonte në fund të këtij viti, porse ai beson se “në rrethanat e tanishme, është e drejtë të lejohet emërimi i një ambasadori të ri”.

Darroch tha se “u është mirënjohës të gjithë atyre në Mbretërinë e Bashkuar dhe në Shtetet e Bashkuara, që i kanë ofruar mbështetje gjatë këtyre pak ditëve të vështira”.

Kryeministrja britanike, Theresa May, tha se i vjen keq që Darroch e ka ndjerë nevojën për të dhënë dorëheqje.

Në dokumentet që kanë rrjedhur në publik dhe që datojnë nga viti 2017 e deri më sot, Darroch thotë se administrata e SHBA-së është “diplomatikisht e ngathët dhe e paaftë” dhe se nuk do të mund të bëhet “shumë më normale”./REL

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej