Pagat e ulëta/ Shoqata e Transportit: Po na ikin shoferët

0
42
Qytetare te kryeqytetit, duke udhetuar me autobuzin urban te linjes se Tiranes se Re. Prej disa ditesh shoqata e Transportit Urban Kryeqytetas ka kerkua rritje te cmimit te biletes deri ne 70 lek./r/n/r/nCitizens of the capital, traveling with urban bus. For several days the capital Urban Transport Association has requested the ticket price increase up to 70 lek.

Kriza ekonomike në vend ka sjellë nivel të lartë të emigrimit dhe si pasojë shumë sektor po vuajnë mungesën e fuqisë punëtore. Kjo problematikë është evidentuar kohët e fundit edhe te sektori i transportit. Në transportin publik kërkohen mbi 1 mijë shoferë, sipas Shoqatës së Transportit, pasi aktualisht ka një mungesë të madhe të punonjësve.

Dashamir Kanto 20 vite ka punuar si drejtues mjeti në transportin publik. Gjatë një interviste televiziv ai ka treguar se për shkak të pagës së ulët sot ai është shkëputur nga ky sektor. “Rroga ishte shumë e ulët, 300-350 euro në muaj nuk ja vlente. Më mirë thash po e lë dhe po e vazhdoj punën këndej nga Franca. Bëj linjën Tiranë- Paris. Kjo është një sakrificë si për mua si për familjen, me atë pagë nuk e përballoja dot”, tregoi Kanto.

Shoqata e transportit thotë se mungesat më të mëdha janë në transportin urban, pasi një pjesë e shoferëve janë larguar në Gjermani. “Ka pasur vështirësi në gjetjen e shoferëve, se pas pandemisë pati një ikje mjaft të madhe të specialistëve të transportit në Gjermani. Që nga ajo kohë e deri tani nuk kemi gjetur punëtorë mjaftueshëm”,  tha Dashnor Memaj nga Shoqata e transportit Urban dhe Interurban.

Paga e një shoferi në transportin urban në Shqipëri varion nga 350 në 700 euro. Në Gjermani pagat nisin nga 500 euro deri në 1. 760 euro. Grupmosha mbizotëruese e shoferëve të transportit publik është mbi 50 vjeç, por të dhënat  e marra në Drejtorinë e Transportit Rrugor tregojnë se mosha mbizotëruese e shoferëve të autobusëve dhe minibusëve është 38 vjeç.