Pack: Nëse Fleckenstein ka kërkuar nga kandidatët e PD të pranojnë mandatet, PE duhet të marrë masa

“Nëse eshtë vërtetë se Knut Fleckenstein ka kërkuar nga kandidatët e listës PD që të pranojnë mandatet, ky është akt i papranueshën në favor te qeverisë socialiste. Parlamenti Europian duhet të marrë masë qortimi ndaj tij”, ka shkruar Doris Pack në një postim në Twitter.

Postimin e ka sjellë në shqip Albana Vokshi, e cila nuk komenton nëse kjo është e vërtetë apo ajo.

Më herët, ish-anëtarja e Parlamentit Europian, e ka cilësuar si hipokrizi qëndrimin e eurokomisionerit Knut Fleckenstein pas vizitës në Shqipëri.

“Knut Fleckenstein, gjykimi i Opozitës në Shqipëri për sjellje jodemokratike është hipokrizi, është një thirrje për ndihmë nga BE-ja. Asnjëherë në vitet e fundit nuk keni kritikuar miqtë socialistë për krimin dhe qeverisjen e korruptuar. Shqiptarët humbën shpresën, po vuajnë dhe lënë vendin. Kam turp nga ti”, shkruajti Pack.