Këngëtari shqiptar me famë botëre, Gashi jeton prej vitesh në SHBA. Ai nuk ka nguruar ta shprehë gjithmonë hapur origjinën e tij, por edhe për artistë të tjerë shqiptarë që jetojnë jashtë dhe kanë patur sukses, si Dua Lipa dhe Rita Ora.
Së fundmi, Gashi ka postuar një video, shkëputur nga përgatitjet e klipit më të ri. Në këtë mënyrë është bërë edhe pjesë e trendit të TikTok, ku përdoruesit tregojnë pjesë nga tradita e vendeve të tyre për të thënë se nga cili vend vijnë. Artisti shihet duke hedhur valle nën tingujt e këngës së re, bashkë me vajzat e klipit.
“Më trego që je shqiptar pa më thënë që je shqiptar”,- ka shkruar ai krahas videos.
