Ambasadori i OSBE-së në Tiranë, Bernd Borchardt ka vlerësuar Policinë e Shtetit për aksionin më të fundit të saj, që çoi në kapjen e bandës që grabiste paratë e bankave në rrugën e Rinasit.
Në takimin e zhvilluar me Drejtorin e Përgjithshëm të Policisë së Shtetit, Haki Çako, kreu i OSBE-së tha se “Ju përgëzoj për kapjen e grabitësve, ishte goxha sukses”
“Ne e konsiderojmë prezencën e OSBE-së si një nga partnerët tanë më të rëndësishëm dhe më kryesor. Jam shumë i bindur se ky bashkëpunim do të vazhdojë edhe në të ardhmen”, tha Çako.
Ambasadori i OSBE-së Z.Bernd Borchardt është shprehur se misioni i prezencës së OSBE-së në Shqipëri do vazhdojë të mbështesë Policinë e Shtetit.
Gjatë takimit me ambasadorin e OSBE-së u iskutuan çështjet e Sigurisë në lidhje me terrorizmin dhe ekstremizmin e dhunshëm, si dhe mbi ecurinë dhe realizimin e projekteve të financuara nga OSBE në ndihmë të Policisë së Shtetit.
