Organizata Botërore e Shëndetësisë (OBSH) shpreson që Kina do t’i ftojë zyrtarët e saj të marrin pjesë në hetimet mbi origjinën koronavirusit të ri.
Zëdhënësi i OBSH-së, Tarik Jasarevic deklaroi se OBSH-ja do të dëshironte të punonte me partnerët ndërkombëtarë për të marrë pjesë në hetime rreth origjinës së virusit.
Ai tha se OBSH-ja është në dijeni të një numri hetimesh në Kinë “për të kuptuar më mirë burimin e shpërthimit të pandemisë”, por shtoi se organizata nuk është e përfshirë aktualisht në këto studime.
Shkencëtarët besojnë se virusi vrasës, u bart nga kafshët tek njerëzit, në një treg në Wuhan të Kinës.
Por, presidenti amerikan, Donald Trump, po pretendon se virusi mund të ketë dalë nga një laborator sekret kinez.
