Moderatorja e njohur Oriela Nebiaj do të futet në Parlament. Ajo ka konfirmua për “Gazeta Panorama” se do të pranojë mandatin e deputetes. Ajo do të zëvendësojë kështu në listën e PD në Tiranë, Grida Dumën, që lajmëroi dje dorëheqjen.
Nebiaj kandidoi më 25 prill në qarkun e Tiranës, ku mori 5606 vota preferenciale. Nebiaj ishte renditur e 18 në listën e PD-së në qarkun e Tiranës, por pas rirenditjes në bazë të votave preferenciale ajo u ngjit një vend më sipër.
Lexo edhe: Mes politikës dhe televizionit, a do ta pranojë Ori Nebiaj mandatin e deputetes?
Megjithatë, para saj në radhë ishte Petrit Doda, por me ndryshimet e fundit të Kodit Zgjedhor, mandatin e ligjvënësit që lë një grua e merr po një grua. Pas aktit të znj. Duma, pritet të mblidhet Këshilli i Mandateve në Kuvend për të shpallur vakancën.
Vakanca i dërgohet Komisionit Qendror të Zgjedhjeve, i cili brenda 48 orëve bën zëvendësimin. Ndërkohë, sot pritet që të depozitojë dorëheqjen edhe Alfred Rushaj.
