Quhet Doomsday Clock dhe është simbol i afrimit të botës me zhdukjen e saj. Ora supozohet të parashikojë apokalipsin dhe ka qënë shumë afër mesnatës, që do të thotë shkatërrim, vetëm në një rast.
Për shkencëtarët, kërcënimi i 1953 dhe ai i 2018 është i njëjtë sa i takon rrezikshmërisë dhe kanë lëvizur akrepat dy minuta nga mesnata.
Në 2015 ora u vendos në dy minuta e 30 sekonda nga mesnata, por me presidencën e Donald Trump, tensionet me Korenë e Veriut, ndryshimet klimaterike dhe rritja e kërcënimit në botë, përfshi dhe terrorizmin, shkencëtarët e Bulletin of the Atomic Scientists thonë se ora shkoi 2 minuta nga mesnata.
Ja një historik i Doomsday Clock, ora që u krijua në 1947 nga ekspertët e Bulletin of the Atomic Scientists dhe çfarë ka thënë:
1947– u vendos ora me 7 minuta nga mesnata
1949– 3 minuta nga mesnata. Bashkimi Sovjetik testoi bombën e parë atomike duke nisur zyrtarisht garën e armëve bërthamore
1953- 2 minuta nga mesnata. SHBA dhe BRSS testuan pajisjet termonukleare, 9 muaj nga njëri tjetri.
1960– 7 minuta nga mesnata. SHBA dhe BRSS ranë dakord që të firmosnin një marrëveshje për të mos përdorur armë bërthamore në vendet në konflikt, siç ishte ajo e kanalit të Suezit.
1963- 12 minuta nga mesnata. SHBA dhe BRSS firmosën marrëveshjen për dënimin pjesërisht të testeve, që do të thoshte kufizimi i testeve bërthamore në atmosferë.
1968– 7 minuta nga mesnata. Ishte koha kur SHBA intensifikoi luftën në Vietnam.
1991- 17 minuta nga mesnata. SHBA dhe BRSS firmosën Marrëveshjen e parë Strategjike për Reduktimin e armëve bërthamore, dhe kjo është koha më e madhe e vendosur ndonjëherë.
2015 – 2 minuta e 30 sekonda nga mesnata, pas rritjes së tensioneve mes SHBA dhe Rusisë si pasojë e konfliktit ukrainas.
