Opozita e bashkuar i ka kërkuar kryetarit të Kuvendit, Gramoz Ruçi që të shtyjë seancën e nesërme parlamentare.
Mësohet se partitë në minorancë i kanë dërguar një kërkesë Ruçit, ku opozita kërkon që seanca e nesërme të mbahet në orën 18:00, dhe jo në 10:00 si zakonisht.
Shkak është bërë protesta e paralajmëruar për t’u mbajtur ditën e nesërme, ku është parashikuar se do të ketë bllokim të disa rrugëve kombëtare.
Ndërkohë, grupi parlamentar i LSI ka kërkuar nga Gramoz Ruçi që të përjashtojë nga punimet e Kuvendit, me të paktën 10 ditë, kryeministrin Edi Rama.
