Deputeti demokrat Kreshnik Çollaku thotë se në zgjedhjet e 14 Majit opozita humbi pasi PD ishte e përçarë. Çollaku theksoi se rezultati mbi zgjedhjet ishte i paralajmëruar për shkak të situatës që po kalon PD.
Në një intervistë për Euroneës Albania, ai theksoi se humbja e zgjedhjeve është rënie e opozitës dhe sipas tij kjo duhet pranuar.
“Komunikimi është rruga e vetme për të zgjidhur situata të tilla që janë të rënda për të gjitha palët. Ne të gjithë e dinim se përballë kujt po shkonim të bënim betejë politike. Ajo që ndodhi është një rënie e opozitës.
PD që është pjesa kryesore e opozitës është e ndarë. Prej një viti e kemi paralajmëruar këtë gjë, jemi përpjekur që të evitojmë ndarjen e demokratëve dhe nuk ia kemi dalë dot.
Në momentin që PD është e ndarë, opozita është e dobët. Mendoj se në mënyrë absolute, nëse do kemi minimumin e ndërgjegjes politike e njerëzore është të shohim në sy këtë realitet.
Aftësia për të kuptuar këtë rënie dhe shkaqet e kësaj rënie, do të jetë mundësi e madhe për ringritje. Që PD të jetë forcë qeverisëse në këtë vend duhen dy elementë, e para të bashkohet vota e çdo demokrati, dhe e dyta të ruhet në mënyrë të padiskutueshme partneriteti me aleatët tanë”, tha ai.
Deputeti demokrat Kreshnik Çollaku thotë se në zgjedhjet e 14 Majit opozita humbi pasi PD ishte e përçarë. Çollaku theksoi se rezultati mbi zgjedhjet ishte i paralajmëruar për shkak të situatës që po kalon PD.
Në një intervistë për Euroneës Albania, ai theksoi se humbja e zgjedhjeve është rënie e opozitës dhe sipas tij kjo duhet pranuar.
“Komunikimi është rruga e vetme për të zgjidhur situata të tilla që janë të rënda për të gjitha palët. Ne të gjithë e dinim se përballë kujt po shkonim të bënim betejë politike. Ajo që ndodhi është një rënie e opozitës.
PD që është pjesa kryesore e opozitës është e ndarë. Prej një viti e kemi paralajmëruar këtë gjë, jemi përpjekur që të evitojmë ndarjen e demokratëve dhe nuk ia kemi dalë dot.
Në momentin që PD është e ndarë, opozita është e dobët. Mendoj se në mënyrë absolute, nëse do kemi minimumin e ndërgjegjes politike e njerëzore është të shohim në sy këtë realitet.
Aftësia për të kuptuar këtë rënie dhe shkaqet e kësaj rënie, do të jetë mundësi e madhe për ringritje. Që PD të jetë forcë qeverisëse në këtë vend duhen dy elementë, e para të bashkohet vota e çdo demokrati, dhe e dyta të ruhet në mënyrë të padiskutueshme partneriteti me aleatët tanë”, tha ai.
