Policia e Tiranës ka përfunduar mbrëmë një operacion të gjerë kundër trafikimit dhe shpërndarjes së drogave të forta.
Në pranga ka rënë Gjergj Cukali i njohur ndryshe si i forti i rrugës “Myslym Shyri” dhe gjashtë anëtarë të bandës së tij me akuzën e shpërndarjes së drogave të forta në kryeqytet.
Në pranga në kohë të ndryshme janë vënë 16 anëtarë të një grupi kriminal që shiste kokainë në disa zona të kryeqytetit.
Të arrestuarit e operacionit të koduar “ Tangent” janë shtetas nga qytete të Shqipërisë, por dhe nga Kosova.
Ervin Hodaj, Drejtori i Policisë së Tiranës, tha në konferencën për shtyp se mes të arrestuarve ka edhe të dënuar më herët për vepra të rënda penale.
Të arrestuarit janë:
-Gjergj Cukali 37 vjeç nga Tirana, i dënuar më parë për pengmarrje dhe armëmbajtje pa leje
-Artur Tarja 36 vjeç nga Tirana, i dënuar më parë për shkelje të rregullave të qarkullimit rrugor
-Muharrem Kallushi 32 vjeç nga Tirana
-Vjollca Gjoka 46 vjeçe nga Tirana
-Gentjan Balliu 30 vjeç, lindur në Kurbin dhe banues në Tiranë
-Armand Gjoka 50 vjeç nga Tirana
-Krisal Kundraci 29 vjeç nga Tirana, i dënuar më parë për veprën penale të prodhimit dhe shitjes së lëndëve narkotike
