Një tjetër goditje ka marrë trafikimit dhe shitja e lëndëve narkotike, ku Policia e Tiranës ka arrestuar dy persona dhe ka shpallur në kërkim dy të tjerë.
Operacioni i koduar “Summer 2016” në të cilin u kapën 5.1 kg heroinë, u finalizua sot rreth orës 15:30.
Të arrestuar janë shtetasit:
-Fadil Bami, lindur dhe banues në Nikel të Krujës
-Eduart Gjata, 39 vjeç, banues ne Tiranë
Zëvendësdrejtori për Krimet në Drejtorinë e Policisë së Qarkut Tiranë, Ermal Muça,tha në konferencën për median se “arrestimi i tyre u krye në bazë të informacioneve të siguruara në rrugë operative, ku rezultonte se shtetasit Fadil Bami dhe Eduart Gjata në bashkëpunim me njëri-tjetrin kryenin aktivitet kriminal të shitjes së lëndëve narkotike, kryesisht Heroinë, në zonën e ish-Parkut të Autobuzave dhe Unazës së Re, në kryeqytet”.
Nisur nga këto rrethana, agjentet e operacioneve speciale dhe antidroges, te cilet i mbanin nën vëzhgim të dyshuarit, i ndaluan në një lokal në brendësi të nje kompleksi pallatesh të te reja ne zonen e ish parkut ne momentit qe po kryenin shkembimin e shitjen e lendes narkotike.
Muça bëri me dije se në kerkim jane dhe dy bashkepunetore te tjere, te cilet jane te identifikuar nga policia.
Nga kontrolli i ushtruar nga policia në çantën që dy të arrestuarit kishin me vete u konstatuan 10 pako të mbështjella me natriban me ngjyrë kafe dhe qese plasmasi transparente, me lëndë narkotike te dyshuar Heroinë.
Sipas Muçaj, lënda narkotike e sekuestruar në kuadër të këtij operacioni në tregun europian shkon në vlerën rreth gjysëm milion euro.
Gjatë kontrollit të ushtruar në banesën e shtetasit Fadil Bami, u gjet dhe sekuestrua në cilësinë e provës materiale 1 armë zjarri automatik dhe dy krehëra me fishekë, gjithashtu u sekuestrua edhe 1 automjet tip “Volswagen”.
Materialet e mësipërme do t’i dërgohen Prokurorisë Pranë Gjykatës së Shkallës Parë Tiranë, për veprat penale“Prodhim dhe shitje e lëndëve narkotike në bashkëpunim” dhe “Prodhim dhe mbajte pa leje e armëve luftarake dhe municioneve”.
