Në kuadër të operacionit të OFL dhe policisë për kontrollin e makinave të luksit pa dokumente, të vjedhura apo me ndërhyrje në numrin e shasisë, janë bllokuar 6 automjete të blinduara në Durrës dhe në Shijak.
6 makinat e blinduara janë në autorësi të 4 personave, me iniciale Xh.T, E.D, B.D, I.Gj dhe se u ndaluan për verifikim dokumentash. Aktualisht po kryhen verifikimet nëse makinat rezultojnë ose jo të vjedhura.
Kotrollet kanë vijuar në disa zona në vend dhe më herët janë raportuar mbi 10 makina me probleme, të vjedhura e me shasi të modifikuar si dhe 5 automjete të bllokuara në Gjirokastër.
Në verifikim janë marrë një numër i konsiderueshëm automjetesh sakaq kujtojmë se janë ngritur pika kontrolli gjatë gjithë kohës në disa qytete kryesore të vendit.
