Policia e Vlorës në bashkëpunim me Guardia di Finanza kanë sekuestruar një gomone me 750 kg kanabis. Mjeti lundrues u kap në Karaburun, pranë vendit të njohur si “Gjiri i Anglezit”. Lënda narkotike ishte e ndarë në 57 pako dhe kishte si destinacion Italine.
Një pjesë e lëndës narkotike u gjet e ngarkuar në gomone, ndërsa pjesa tjetër ishte e shpërndarë në breg të detit dhe në total ishin 57 pako të përmasave të ndryshme të mbështjella me plastikë dhe natriban.
Mjeti lundrues i llojit gomone ishte me përmasa përmasat 7.2 m gjatësi dhe me dy motora, njëri 300 KF dhe tjetri 25 KF.
Dyshohet se mjeti përdorej nga 3 persona për trafikimin e lëndës narkotike drejt brigjeve italiane. Të tre këta shtetas kanë përfituar nga terreni i thyer dhe errësira për t’u larguar nga vendi i ngjarjes.
