Mjekja kirurge onkologe Ervehe Dervishi, nga “Abc-ja e Mëngjesit”, ka dhënë detaje në lidhje me shqetësimet e sëmundjes së kancerit të gjirit. Doktoresha e Spitalit Amerikan 2, në një intervistë me gazetarin Enkel Demin ka theksuar se është e rëndësishme që çdo grua të jetë e kujdesshme ndaj çdo shenje të dyshimtë që mund të shikojë në trupin e saj por pa u alarmuar.
Ajo thekson se vitet e fundit ka një rritje të rasteve të kancerit të gjirit dhe kjo lidhet me ndryshimin e stilit të jetesës.
“Ka një rritje të numrit të rasteve të kancerit të gjirit, pa llogaritur rastet e vjetra dhe ato që kanë një trajtim kronik. Nuk do të thotë se ke kancer dhe do të vdesësh , por ato nuk janë të garantuara, me rritjen e numrit të diagnostifikimeve, ngrohja globale, përdorja e ushqimeve jo bie, kanceri, duhani, ndryshimi i partnerëve shton dhe rritjen e kancerit të qafës së mitrës, stili i jetës, mosha, trashëgimia, janë shumë gjëra të lidhura. Rreth 70 % e femrave e kanë dhe nga trashëgimia, mund të jetë nëna, motra apo kushërirat e afërta”, është shprehur doktoresha.
Ndër të tjera mjekja onkologe ka theksuar se është e rëndësishme që çdo grua pas ciklit menstrual të bëjë një kontroll të gjoksit. Secila nga ne në momentin që është në dush apo në pozicion shtrirë të prekë gjoksin nga pjesa e sipërme në drejtim të sqetullës dhe nëse vë re ndonjë kokërr të dyshimte atëherë është e rëndësishme që ta mbajë në monitorim për të parë shqetësimet që i sjell.
“Gjiri ka shumë sëmundje dhe nuk duhet që të alarmohemi, në 8 gra një është e prekur 1, rastet më të shfaqura janë pas moshës 50 por patjetër nuk ka përjashtim pasi kemi dhe raste të moshave të reja. Gratë nuk duhet të mendojnë se në momentin që shohin apo prekin diçka të alarmohen pasi jo gjithmonë është kancer. Fati është që gjiri është në pjesë të jashtme dhe është më e lehtë që të kapet. Një grua një herë në muaj pas ciklit menstrual duhet të kontrollojë gjirin, duhet të prekë gjoksin, duhet të shtrydhë thithin, nëse rrjedh ose jo.
Ka raste që rrjedh dhe është ngjyrë e bardhë është hormonal, nëse rrjedh vetëm njëri duhet të preokupohet, nëse rrjedhja do të jetë e kuqe ose si ngjyra e qershisë duhet të alarmohen pasi është një shenjë që shkon drejt kancerit të gjirin dhe vetëm kështu një grua duhet të alarmohet dhe në bazë të moshës pas vizitës së mjekut do të bëhen dhe rekomandimet e duhura. Në dush ose në qëndrim shtrirë duhet të bëjë një masazh dhe do të vërë re ndonjë gjë ndryshe duhet të shikojë nëse kokrra është e lëvizshme ose jo, nëse nuk ka deformime lëkure atëherë nuk ka problem, por nëse shikon shenja të dyshimta është e rëndësishme që të shkojë te mjeku. Nga kokrra që mund të shikojë do të shikojë nëse është ose jo e lëvizshme, e dhimbshme, gjatë prekjes së gjirit duhet që të prekë në drejtim të sqetullës dhe nëse shikon një gjë e tillë. Gjiri në pubertet, në moshën kur bëhesh zonjushë, kur ngel shtatzëne, kur je në qumësht dhe pas moshës 40 vjeç”, është shprehur doktoresha.
Ajo ka theksuar se është e rëndësishme që pas shfaqjeve të shenjave të shkojnë tek mjeku për tu konsultuar me të dhe për të marrë trajtimin e duhur. Gjithashtu doktoresha ka theksuar se kanceri i gjirit është prezent edhe te burrat, por agresiviteti është më i vogël sesa tek femrat.
Ndërkohë doktoresha bën apel që të rrinë sa më larg internetit pasi nuk e njohin shumë mirë terminologjinë dhe krijojnë panik te familja burri dhe te fëmijët, ajo bën thirrje që të ndjekin me përpikmëri rekomandimet e mjekëve dhe të specialistëve./abcnews.al
