Komiteti Olimpik Ndërkombëtar njoftoi zyrtarisht se Lojërat e Tokios do të zhvillohes në periudhën 23 korrik – 8 gusht të vitit të ardhshëm.
Vendimi erdhi një javë pas marrëveshjes mes IOC dhe qeverisë japoneze, që kishte vulosur shtyrjen për vitin e ardhshëm për shkak të pandemisë Covid-19.
“Datat e reja janë caktuar në bazë të tre kritereve: shëndeti i pjesëmarrësve dhe i të gjithë stafit të Lojërave, ruajtja e interesave të atletëve dhe të sportit olimpik si dhe kalendari i sportit botëror”, lexohet në komunikatë.
