“Kërcënimi që koronavirusi tani mund të kthehet në pandemi globale, është mëse i vërtetë”, paralajmëron Organizata Botërore e Shëndetit.
Drejtori i Përgjithshëm i Agjencisë së Shëndetit të Kombeve të Bashkuara tha se duke qenë se virusi është përhapur në kaq shumë vende, rreziku i një pandemie të mundshme është rritur.
Sidoqoftë, në konferencën e tij të përditshme, Dr. Tedros Adhanom Ghebreyesus u bëri thirrje qeverive që të përqëndrohen në zbutjen dhe ndalimin e përhapjes së virusit.
Paralajmërimi erdhi disa orë pasi Boris Johnson dhe Ministri i Shëndetësisë Matt Hancock këmbëngulën që Mbretëria e Bashkuar, me 319 raste të konfirmuara, është akoma në fazën e “kontrollit”, kur virusi nuk ka shpërthyer ende.
