Ish-presidenti i ShBA, Barack Obama ka publikuar listën e këngëve që ai dhe familja e tij po dëgjojnë më së shumti këtë verë.
Përmes një postimi në Twitter, Obama ka treguar se gjatë muajve të fundit, ai ka kaluar shumë kohë duke dëgjuar muzikë dhe ka dashur të ndajë disa nga më të preferuarat e kësaj vere.
Në mesin e këtyre këngëve është edhe një këngë nga artistja shqiptare Dua Lipa. Bëhet fjalë për bashkëpunimin e saj me artistët latinë, J Blavin e Bad Bunny dhe këngën e tyre “Un Dia”.
Kujtojmë që kjo listë e postuar është një traditë tashmë e Obamës prej disa vitesh, e cila konsiderohet edhe si sugjerim për të gjithë fansat.
Over the past few months, I’ve spent a lot of time listening to music with my family. I wanted to share some of my favorites from the summer—including songs from some of the artists at this week’s @DemConvention. Hope you enjoy it. pic.twitter.com/2ZFwdN46jR
— Barack Obama (@BarackObama) August 17, 2020
