Kryetari i komisionit parlamentar të Ekonomisë dhe Financave, Erion Braçe është vënë në qendër të kritikave nga deputetët e opozitës, pasi një ditë më parë nxori nga komisioni dy gazetaret Esiona Konomi dhe Marsela Karapanço.
Në nisje të mbledhjes ditën e sotme, deputetët e PD, Jorida Tabaku dhe Florjon Mima iu drejtuan socialistit se veprimi i tij dje ishte i papranueshëm për një njeri i cili ka punuar vetë si gazetar. Por kreu i ‘Ekonomisë’ ka këmbëngulur se dy gazetaret,kanë thyer rregulloren.
“Ke qenë gazetar vetë nuk duhet ta bëje”, tha Jorida Tabaku, deputete e PD
“Ti nuk e pe çfarë bënë ato, thyen rregulloren”, iu përgjigj Erion Braçe, kryetar i Komisionit të Ekonomisë
“Duhet të kërkosh ndjesë që nxore gazetarët jashtë”, deklaroi Florjon Mima, deputet i PD
Kryetari i Komisionit të Ekonomisë Erion Braçe, pas debateve me deputetin e PD-së, Flamur Noka një ditë më parë iu hakërrye gazetarëve, madje duke i nxjerrë nga salla dhe bllokuar mundësinë që ata të ndjekin punimet e këtij komisioni dhe më pas ta raportojnë e transmetojnë për publikun.
http://shqiptarja.com/lajm/nxori-gazetaret-nga-ekonomia-deputetet-gozhdojne-bracen-sduhet-ta-beje-ke-punuar-vete-ne-media
