Kryeministri Edi Rama ka njoftuar se pas një jave në kufirin sirian, ministri i Brendshëm po përcjell Alvin në ambasadën italiane në Beirut, ku pritet të pajiset me dokumenta dhe të shkojë drejt babait të tij në Romë.
Rama ka publikuar në Facebook, foton e ministrit Lleshaj me Alvin Berisha, i cili mbahej në kampin Al-Howl.
Postimi i plotë:
ALVINI PO KTHEHET NË SHTËPI
• Pas një jave në kufirin sirian, së bashku me një skuadër speciale të policisë sonë dhe në bashkëpunim të ngushtë me partnerët italianë, ministri ynë i brendshëm po përcjell në këtë moment Alvinin në ambasadën italiane në Beirut, prej ku vogëlushi shqiptar do të pajiset me dokumentat e nevojshme e do të fluturojë drejt babait në Romë
• Një falenderim i veçantë për kryeministrin Giuseppe Conte, i cili u angazhua personalisht në ndjekjen e operacionit për palën italiane
• Faleminderit edhe dy organizatave humanitare që u bënë pjesë jetike e këtij operacioni tejet kompleks e të rrezikshëm, pa harruar konsullin e nderit të Shqipërisë në Liban, që luajti një rol të pazëvendësueshëm
• Por për ne, përpjekja nuk mbyllet këtu, sepse fëmijë e gra nga Shqipëria vazhdojnë të jenë peng në kampin-burg prej ku arritëm të nxjerrim Alvinin…
