Nxënësja e klasës së 7-të e shkollës ndërkombetare, World Academy of Tirana, Dea Boshnjaku, organizon ekspozitën vetjake të Artit Pamor te instalacioni “Reja” pranë Galerisë Kombëtare të Artit.
Ekspozita do të përmbajë 20-të punime të realizuara në dy semestrat e fundit të ketij viti shkollor. Në këtë ekspozitë do të paraqiten punime të realizuara në pikture dhe teknika mikse. Subjektet kryesore të trajtuara janë peizazhet, portretet dhe natyrat e qeta. Dea ështe fokusuar kryesisht në stilin pointilist dhe ngjyrat e ngrohta.
Në ciklin e portreteve Dea paraqet artistet e saj të preferuar, duke shprehur dhe eksploruar më shumë pasionin e saj për muzikën dhe aktrimin. Portreti i artistes Inva Mula, i realizuar në tonalitete të ngjyrës së kuqe me sfondin e zi është një nga punët, që spikat më shumë. Dea ka dashur ta realizojë portetin e artistes në një mënyrë sa më realiste duke e theksuar edhe më shumë vlerësimin ndaj figurës së saj. Gjithashtu të realizuara në pikturë janë portretet e artisteve Tefta Tashko dhe Merlin Monroe.
Në ciklin e peizazheve paraqiten situata të ndryshme dritë kryesisht në tonalitete të ngjyrave blu dhe jeshile. Stili i përdor në këto piktura lejon që atmosfera e peizazhit të marrë më shumë vëmendje se sa objektet e paraqitura në to. Objektet duket sikur shkrihen mes tyre duke krijuar përshtypje të momentit të përzgjedhur për t’u pikturuar.
