Qeveria e Kosovës ka vendosur disa masa për qytetarët, në kuadër të frenimit të përhapjes së COVID-19. Mësohet se policia e Kosovës ka ndalur 102 persona në 24 orët e fundit për shkak të mosrespektimit të masave të kufizimit.
Numri më i madh i qytetarëve që nuk kanë respektuar masat është nga qyteti i Prishtinës, 47 persona.
Përveç Prishtinës, në karantinë janë futur edhe Prizreni, Ferizaj dhe Suhareka.
Prej shpërthimit të këtij virusi në Kosovë më 13 mars, të dielën është regjistruar numri më i madh i të prekurve brenda një dite, 79. Aktualisht në gjithë territorin e Kosovës me këtë sëmundje janë infektuar 362 persona, 59 janë shëruar derisa nëntë kanë vdekur. Me qëllim të luftimit të virusit, autoritetet kanë shpallur gjendje emergjente për shëndetin publik.
