Në mbledhjen që po vazhdon akoma të Partisë Demokratike, deputeti Gazment Bardhi iu ka kërkuar llogari deputetëve të PD-së që mbështesin Sali Berishës pse nuk kanë reaguar për shpalljen ‘Non Grata’ të Aqif Rakipit. Sipas Bardhit, arsyeja është shumë e thjesht, pasi edhe Sali Berisha ka të njëjtën njollë.
“E kuptoj pllakosjen e heshtjes së PS, por se kuptoj përse në PD, s’kishte asnjë reagim ndaj ‘Non Gratës’ së Rakipit. E di hallin tuaj. Sepse është Sali Berisha ‘Non Grata’” – tha Bardhi.
Në këto momente ka kërkuar fjalën Sali Berisha, por nuk ia ka dhënë Alibeaj. Për pasojë Berisha është ngritur në këmbë për të marrë fjalën, por Alibeaj është larguar dhe ka kërkuar një pushim 10 minutësh.
