Lideri i opozitës Lulzim Basha, deklaroi se situata shëndetësore po përkeqësohet.
Në një konferencë për mediat, Basha ritheksoi se plani i Partisë Demokratike ka si qëllim të ndihmojë qytetarët për të dalë nga gjendja e vështirë ekonomike, ndërsa i bëri thirrje kryeministrit Rama që paratë mos t’i ndajë me oligarkët, por t’i shërbejë qytetarëve.
Ai theksoi se 61 % e bizneseve në vend kanë zero fitime, ndërsa shtoi se 100 mijë qytetarë shqiptarë kanë humbur vendin e punës.
Gjithashtu kryedemokrati komentoi edhe vendimin e qeverisë për vendimin tashmë të detyrueshëm për të mbajtur maska edhe në ambiente publike, vendim për të cilin bëri me dije se shumë prej qytetarëve shqiptarë nuk kanë para për ushqim dhe se do ta kenë të vështirë të blejnë maska.
“74 mijë biznese që janë pothuajse 2/3 e biznese të vogla aktive në vend do të kishin përfituar bonusin 1 mijë euro për të përballuar situtatën e vështirë në këto 6 muaj. Në vend që paratë të përfitohen nga një shumicë dërrmuese e qytetarëve, Rama vazhdon t’ja japë inceneratorëve. Kriza aktuale nuk përballohet me fjalë, konferenca për shtyp, por kam propozuar një plan konkret për roitjen ekonomike. Ky nuk anulon asnjë koncesion por vazhdon të thellojë krizën ekonomike. Është e vetmja qeveri kur edhe në situatën e tërmetit vazhdonte vjedhjen. Shqiptarët janë akoma në çadra, pa asnjë ndihmë ushqimore prej muajsh. Edhe pse paraqitëm me 11 mars një plan të ngjashëm si sot, ky bëri tendera sekret për të vjedhur edhe gjatë pandemisë.Kemi një kryeministër, një qeveri që është vendosur të injorojë nevojat e qytetarëve dhe të vazhdojë vjedhjen. Nuk pret koha deri në 25 prill, sot po i them që moszbatimi i planit me 5 pika e ngarkon Edi Ramën dhe ministrat e tij me përgjegjësi jo politike, por penale dhe se çdo dëm në jetën e njerëzve nuk do të jetë thjesht përgjegjësi politike, por i siguroj se do të ndiqet si përgjegjësi penale. Të vazhdosh të vjedhësh me një grup oligarkësh. Nuk është thjesht korrupsion, por një krim që duhet ndëshkuar. Paratë t’i çojë urgjentisht tek njerëzit në nevojë, shteti ka mundësi t’i përballojë gjendjen e vështirë ekonomike, Shqipëria është një vend i vjedhur. I bëj thirrje çdo qytetari të kërkojë të drejtën e tij. Nuk është lëmoshë, paketa e rimbursimit 100% e ilaçeve nuk është lëmoshë, por është detyrim”, tha Basha.
Gjithashtu Basha bëri me dije se duhen përmirësuar kushtet në shkolla, një nga pikat e planit që është propozuar nga PD.
“Ka dalë me dhjetëra herë në ekran dhe ka sulmuar opozitës. Vetë është pa ide dhe pa motivi për t’i shërbyer njerëzve. Po t’i kishte vënë veshin me 11 mars propozimit tona nuk do të ishim këtu. Të njëjtën gjë i thamë edhe para dy javësh. Pika e parë e planit është mbështetja dhe përgatitja e sistemit shëndetësor. Rimbursim të plotë, sigurim të pajisjeve mbrojtëse për spitalet. 1 mijë euro për çdo mjek dhe 500 euro për çdo infermier për 6 muajt e ardhshëm. Çfarë ka bërë dy javë që kur e kemi bërë këtë kërkesë, por del sot dhe thotë mbani maska ndryshe do t’ju gjobis. Njerëzit s’kanë para për bukë dhe jo më për maska. Po ata që nuk kanë para për t’i blerë maska fëmijëve, çfarë bën shteti për ta”, tha më tej Basha.
