Berisha ka paralajmëruar ditën e sotme se shumë shpejt do të ketë protesta në vend kundër qeverisë. Ai tha se kupa është derdhur dhe qytetarët nuk mund të presin deri në shtator për të larguar për shkak të regjimit monist të vendosur nga Rama. Madje ai tha se deri më tani PD është vonuar dhe nuk ka bërë rolin e saj si opozitë që të mbështesë qytetarët për t’u ngritur në protesta. Ai tha se tashmë se çdo gjë është përgatitur dhe grupet janë gati për të çliruar vendin nga qeveria Rama.
“Unë jam i vonuar, shumë i vonuar në artikulimin tim, zemrat e njerëzve po ziejnë, revoltat në zemrat e qytetarëve po ziejnë Lëvizjet janë interesante, nganjëherë u prin, herë e tjera të udhëheqin ato. Ju them se kërkesa për protesta është universale. PD është e vonuar. Ne i kemi grupet dhe qytetarët, i kemi anëtarësinë dhe grupet e interesit. Nuk ka asnjë diskutim që do zbatojmë, do jemi në lartësinë e detyrimeve tona ndaj tyre. Qytetarët e kane te vështirë te presin deri ne shtator. PD do të bëjë gjithçka për të shpëtuar Shqipërinë nga monizmi. Vetëm shqiptarët mund ta bëjnë këtë”, tha ai. Sipas tij, shtatori duhet ta gjej vendin në zgjedhje për një qeveri të re.
