“Do doja t’i kujtoja cilitdo që më 6 maj 1919, kur pjesa tjetër e botës donte që Shqipëria të zhdukej, Shtetet e Bashkuara, Presidenti Uillson ishte ai që ngriti zërin dhe tha se Shqipëria duhet të jetë e pavarur” tha ambasadorja Yuri Kim ditën e djeshme pas takimit me Lulzim Bashën, që e mbështeti në betejën kundër Sali Berishës.
Por ish-kryeministri, ngriti një pyetje nga Vlora; “A mund të imagjinojë kush se këta burra të mëdhenj të kombit amerikan (Uillson, Clinton, Bush) të imagjinonin se do të dilte një përfaqësues i tyre dhe t’u thoshte shqiptarëve, votoni ju po do u them unë se kush do të hyjë në parlament?”.
“Nuk ka asgjë personale, reagimi im ndaj ndërprerjes së mandatit, të dashur miq, në shqiptarët përjetësisht nuk u dalim borxhi SHBA-së, Presidentit Uillson, Clinton, Bush. Të parit ne i dedikojmë rikthimin e pavarësisë së Shqipërisë dhe sovranitetit të saj. Në aktet e Versajës kishin firmosur mjerisht edhe përfaqësuesit e tij për shuarjen e Shqipërisë, por kur ai burri i madh e pa i hodhi në kosh të plehrave dhe tha ata do të vetëvendosin dhe Shqipëria u rikthye e pavarur.
Një proces është në Paris, ftoj jo vetëm DASH, por cilindo mbi tokë, që cdo dokument që ketë ta paraqesë në atë gjykatë dhe garantoj se cdo vendim që duhet do të marr nëse një njeri paraqet një fakt të vetëm por kjo kurrë nuk do të ndodhë pasi të tillë nuk ka pasur. Ju ftoj të vazhdojë këtë betejë duke zgjeruar demokracinë duke u bashkuar me të gjithë kontributet tonë, investimet nga demokratët në 30 vite, jemi bashkërisht, duke sjellë prurje të reja dhe duke i dhënë frymëmarrje kësaj partie” tha ai.
Një demokrat gjatë takimit i kërkoi Sali Berishës që të marrë në dorë “frenat” e partisë për ta rikthyer në pushtet. “PD në Vlorë u fik. Mblidh grupin e politikanëve të rinj të PD-së sepse të shquar, bën platformën nga dalja e krizës, të ribashkimit, të ristrukturimit”.
