Djali i Sokol Olldashit, Glauk Olldashi, ka qenë i pranishëm sot në Kuvendin e PD dhe ka mbajtur një fjalim të gjatë përpara demokratëve. Ai thotë se qëllimi i Partisë Demokratike duhet të jetë përtej rrëzimit të PS-së nga pushteti. Duke folur në Kuvendin Kombëtar të organizuar nga Komisioni i Rithemelimit, ai u shpreh se nuk mjaftojnë vetëm akuzat ndaj kundërshtarëve. Ai propozon më shumë takime me qytetarët për t’i kërkuar mbështetje duke u bazuar në vlerat e demokratëve dhe parimet konservatore.
“Kemi kaq muaj që shihemi nëpër foltore dhe takime në Shqipëri. Sot jemi në një nga takimet e fundit. Unë jam i ri dhe më pëlqen të mendoj se rinia është ajo që ndezi këtë zjarr. Rinia do e mbajë ndezur për vite me radhë. Rinia është zemra e PD-së. Në forumin rinor, janë intelektualët, artistët dhe kontributet e PD-së. Qëllimi i PD-së duhet të jetë përtej rrëzimit të PS-së. Nuk mund të vazhdojmë me mendimin se qytetarët duhet të zgjedhin të keqen më të vogël. Kur dalim për të kërkuar mbështetjen e qytetarëve, duhet të jetë për vlerat e demokratëve, dhe jo vetëm se kundërshtari po shkatërron vendin. Nuk mjafton të mblidhemi njëherë në 2 vjet. Nuk mjafton të bëjmë vetëm politik në media. Duhet të kthehemi në shembull me politik”, tha Olldashi. Ndërsa e quan mbledhjen e këtij Kuvendi një hap pozitiv drejtë ringritjes së PD-së.
