Kreu i grupit parlamentar të Partisë Socialiste Taulant Balla, teksa ka krahasuar dy raste hetimi nga SPAK, ka ngritur shqetësimin e mos marrjes seriozisht të rastit të hetimit të Berishës nga ana e SPAK. Ai tha se në një rast të lehtë SPAK ka dalë në procedim penal ndërsa me lidhje me Berishën nuk ka as procedim penal. Megjithatë Balla u shpreh se ka ende besim që Berisha do të vendoset para drejtësisë.
“Rama ka sjellë dy shembuj konkretë, shembullin e magjistratit të vetëm në republikën e Shqipërisë, Ardjan Borani dhe rastin e Berishës për korrupsion në nivel të lartë. SPAK-u në rastin e kallëzimit për shpërdorim detyre ka regjistruar një procedim penal. Ke një standard të dyfishte nga një institucion. Në një rast kot ke dalë në procedim penal ndërsa në rastin e Berishës nuk ka asnjë procedim penal nga SPAK. Besimi ynë nuk ka shteruar ndaj SPAK por të jeni të sigurt që ajo që themi ne ka mbështetjen më të gjerë të opinionit publik. Nuk kam dyshim që Berisha do të vendoset para drejtësisë. Nuk duam që drejtësia do të jetë e ndryshme. Prokuroria e Posaçme Kundër Korrupsionit dhe Krimit të organizuar mori kritika të forta nga kryeministri Edi Rama gjatë Asamblesë së PS-së, për performancën e deritanishme gati tre-vjeçare, duke edhe nxitur debat. Më pas në një dalje për mediat, deputeti Belind Këlliçi tha se ka informacione të besueshme se Rama është i përfshirë në hetime ndërkombëtare dhe përmes shantazhit i kërkon Prokurorisë të tërhiqet nga çështje që e prekin drejtpërdrejt dhe njerëz shumë të afërt të kryeministrit” – tha Balla.
