Kreu i grupit parlamentar të LSI-së Petrit Vasili ka reaguar pas deklaratës së kryeministrit Edi Rama se do të flasë nesër mbi qëndrimin e tij për ministrin Xhafaj.
Përmes një postimi në Facebook, Vasili tha se bie dakord për diçka me Ramën, për shprehjen që nuk janë të gjithë njësoj.
Postimi i Vasilit
Kryeministri për herë të parë ka të drejtë.
Kryeministri thotë që s’jemi njëlloj dhe ka të drejtë.
Po të ishim njëlloj do të ishim gënjeshtarë si ai dhe të pacipë si ai, që edhe lekët për studentët e sëmurë nga talasemia i shkurton dhe i grabit. Çfarë shpirti i zi mund të jetë ky që grabit qindra milion koncesione për vete dhe ju zhvat edhe lekët e luftës për jetën studentëve talasemikë.
Shyqyr që s’jemi njëlloj si ai dhe ai kurrë s’do të jetë si ne.
