“Romeo poshtë ballkonit të Zhuljetës”, ky është imazhi perfekt që i vjen çdokujt në mendje kur bëhet fjalë për të prshkruar një dashuri të vërtetë. Por tashmë dashuria është larg këtij konteksti. Serenatat apo lutjet poshtë ballkoneve nuk ekzistojnë, më së shumti ekzistojnë muret, ato të Facebook-ut. Mbushen plot postime që shfaqin dashuri, buzëqeshje, dhurata, lule dhe çdo formë tjetër lumturie. Por larg vëmendjes së rrjeteve, dashuria është edhe në zemrat e atyre njerëzve që e jetojnë ndjenjën në kushtet e një jete modeste, larg buqetave të mëdha. Një burrë me rroba pune që udhëton në autobus me një lule të vetme në duar, a nuk është kjo fotografia më e bukur që keni parë sot?
