Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Nuk e lejuan të ulej në Kosovë, flet Behgjet Pacolli: U frikësova se autoritetet do bënin ndonjë akt terorrist mbi avionin tim

Nga Ejona 0

Deputeti i Kuvendit të Kosovës Behgjet Pacolli ka folur për herë të parë pas refuzimit nga ana e autoriteteve kosovare që avioni i tij privat të ulej në pistën e Aeroportit të Prishtinës, dy ditë më parë, kur ai u kthye nga Zvicra.

Pasi ju refuzua leja, avioni privat i Pacollit u ul në Aeroportin e Rinasit, ndërsa sot është kthyer në Kosovë pas skandalit që u transmetua në të gjitha televizionet ballkanike. Për mediat në Kosovë deputeti ka thënë se për herë të parë është frikësuar se autoritetet kosovare do të kryenin ndonjë akt terrorist mbi avionin e tij.

“Unë jam qytetar i botës dhe mund të zgjedh çdokund për të jetuar, ku do të jetojë edhe pjesën tjetër të jetës dhe këtë të drejtë nuk e lë askënd t’ma cënojë. Unë jam i gatshëm tani të rishikojë disa gjëra, mua ditëve të fundit, këto ndodhi, këto presione që më janë bërë ditët e fundit më kanë ndikuar ndoshta edhe në edukimin tim të mëtutejshëm politik. Unë kam qenë dy muaj i vetëizoluar, me plot përgjegjësi.

Ditën kur kam dashur të vijë në Kosovë e kam kryer testin dhe testi ka rezultuar negativ, leja ime e fluturimit është anuluar, e dyta është kushtëzuar me implikime të tjera se në dhënien e lejës duhet të jenë të implikuara disa ministri dhe të them të drejtën unë fluturoj me një fluturake, unë herën e parë jam frikësuar nga autoritetet e Kosovës se mund të kryejnë akt terrorist mbi fluturakën time. Është hera e parë që unë frikësohem nga një shtet i së drejtës. Sot jam kontrolluar, i kam kryer procedurat”, ka thënë Behgjet Pacolli, deputet në Kuvendin e Kosovës.

Pak minuta më parë, deputeti Pacolli ka arritur në shtëpinë e tij dhe në Facebook shkruan “Sapo arrita në shtëpinë time. Sa më mungonte atdheu.”

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej