“Nuk duhet të mendosh dorëheqjen”, kreu i PD-së Kurbin: Duhej t’i kishim bojkotuar zgjedhjet

Kryetarët e degëve kanë mbajtur të njëjtën linjë me kryetarin Lulzim Basha, në mbledhjen e sotme të kolegjit të kryetarëve të Partisë Demokratike, duke i cilësuar zgjedhjet si një kurth.

Por, kryetari i Partisë Demokratike në Kurbin, Behar Haxhia e ka tejkaluar. I pranishëm në mbledhje, Haxhia ka thënë se PD-ja nuk duhet të kishte garuar fare më 6 mars.

“Nuk duhet të mendosh dorëheqjen, nuk duhet të kishim hyrë në zgjedhje sepse ishin një kurth,”- ka thënë ai drejtuar Bashës.