Një grup banorësh të njësisë numër 5 në Tiranë, pranë Pallatit me Shigjeta kanë dalë në protestë.
Masat kufizuese, për shkak të pandemisë nuk i kanë penguar banorët që të dalin në rrugë dhe me thirrje të kërkojnë ndihma.
Mësohet që qytetarët të shumtë në numër kanë kërkuar ndihma, pasi sipas tyre nuk kanë përfituar asgjë nga shteti e për shkak të situatës nga pandemia, nuk mund të punojnë e të nxjerrin të ardhura.
Nga filmimet shihet se aty kanë shkuar forca të shumta policie për të ruajtur rendin dhe qetësinë.
