Ish-kryeministri Sali Berisha bëri një lapsus gjatë fjalës së mbajtur ditën e sotme për kuotat gjinore në radhët e kandidatëve për zgjedhjet lokale.
Teksa fliste për partinë simotër të PD në Suedi, Berisha iu referua për disa herë drejtuesit të saj si zonjë për të hequr paralele me atë që synohet të arrihet në Shqipëri. Megjithatë një nga të pranishmit e korrigjoi dhe Berisha e tërhoqi fjalën e tij. Ai theksoi se në zgjedhjet e ardhshme do respektohen kuotat veçanërisht për këshillat bashkiakë.
“Mbështes plotësisht çështjen e kuotave derisa ne të arrijmë të dalim jashtë tyre si ka dalë partia simotër e Suedisë e cila e udhëhequr nga një zonjë e shquar…urdhëro është burrë? Më falni. E udhëhequr nga zonja… më falni, është burrë? Ne do respektojmë kuotat, për këshillat është më e lehtë. Do shikojmë mënyrën si ta respektojmë këtë për qytetar të parë”, deklaroi Berisha.
