Marrëveshja mes Tiranës dhe Athinës e ka kthyer Nikos Kotzias lobues për llogari të Shqipërisë. Por, duket se pesha e grekut dhe fjala e tij nuk vlen dy lekë. Ka dështuar përpjekja e ministrit të Jashtëm grek për të ndihmuar Shqipërinë këtë të hënë, kur thirri në Luksemburg në një mëngjes pune ministrat e vendeve anëtare të BE-së, ku do të dëgjohej një prezantim i ministrit shqiptar Ditmir Bushati mbi rëndësinë e hapjes së negociatave për vendin tonë.
Nga fotot e takimit, ministrat e BE-së nuk e kanë vënë ujin në zjarr që të shkojnë. Nga 28 ministra, vetëm 8 kanë marrë pjesë, të cilët kanë qenë ai i Austrisë, Bullgarisë, Gjermanisë, Greqisë, Polonisë, Rumanisë, Qipros dhe Suedisë.
Mbi të gjitha mungonin ministrave e jashtëm të Francës, Holandës dhe Danimarkës, tre vende skeptike për çeljen e negociatave me Shqipërinë.
Megjithë lëshimet që Ditmir Bushati dhe Edi Rama i bënë Athinës me marrëveshjen që dhuron territore Greqisë, ajo ç’ka kërkonin në shkëmbim rezultoi një vërë në ujë ose një vërë në Luksemburg.
