Emri i saj nuk thotë gjë për prejardhjen shqiptare, por sapo dëgjon mbiemrin kjo qartësohet. Bëhet fjalë për Deborah Xhakon, “yllin shqiptar” të momentiit në Itali.
Të katërta karriget e “The Voice of Italy” janë kthyer për shqiptaren, ndërsa fjalët superlative të trainerëve italianë tregojnë se Deborah do të shkojë larg në këtë kompeticion. Albano Carrisi e ka pyetur Deboran për mbiemrin e saj dhe në atë moment vajza ka zbuluar origjinën e saj shqiptare duke thënë edhe “Faleminderit shumë” në shqip.
Ndërsa njëri prej trajnerëve i premtoi se nëse Debora do ta zgjidhte do ta shndërronte në “Dua Lipën Italiane”.
“Jam në panik. Nuk di kë të zgjedh. Më ndihmoni”, ka thënë Debora në momentet e zgjedhjes ndërsa ka refuzuar të jetë “Dua Lipa italiane” duke mos zgjedhur Franceskon që ia premtoi këtë “të ardhme”. Me siguri, jo pak do të flitet për “Debora Xhakon shqiptaro-italiane”.
Këngëtari Alessandro Aleotti i njohur si JAx ka qenë zgjedhja e shqiptares. Ai nga antuziasmi ka shkruar në prapaskenë dhe ka përshëndetur prindërit e Deboras. Tashmë na mbetet të presim javët në vijim për të zbuluar më shumë mbi suksesin e padiskutueshëm të shqiptares.
