“A e ka miratuar Kroacia, shteti i saj, anëtar i BE-së, ndryshimin e kushtetutës së saj, për lejimin e martesave të çifteve gej?
Propozimi për lejimin me ligj të martesave gay në Shqipëri dhe përfshirja në në ndryshimet kushtetuese ka shkaktuar debat të madh në radhët e politikës por më shumë se sa kaq ka shkaktuar reagime të forta të qytetarëve nëpër rrjetet sociale. Fjalimi i mbajtur dje nga deputetja e PDIU-së, Mesila Doda ka gjetur mbështetje të pazakontë në rrjetet sociale. Fjalimi i saj i mbajtur në paralment është pasuar me reagime mbështetëse nga mijëra qytetarë dhe intelektualë.
Një pyetje për ambasadoren e Bashkimit Evropian në Tiranë, Romana Vllahutin, vejn nga këshilltari pranë Kuvendit, Dritan Kaba. “A e ka miratuar Kroacia, shteti i saj, anëtar i BE-së, ndryshimin e kushtetutës së saj, për lejimin e martesave të çifteve gej?
Me sa di aspak, as nuk shtrohet për diskutim, nuk i shkon në mendje asnjë politikani në shtetin e saj, ta propozoje për diskutim, jo më ta paraqesë për votim në Parlament. Pse kërkon ta miratojë në Shqipëri? Unë mendoj të harxhojë kohën të fushatojë në Kroaci njëherë, pasi ta miratoje atje, të vijë t’jua kërkojë shqiptarëve”, shkruan Kaba në facebook. Reagime të kësaj natyre ka pasur me mijëra në facebook, të gjtiha kundër këtij propozimi për sanksionimin në kushtetutë për martesat gay.
