Një person ka tentuar vetëvrasjen ditën e sotme me anë të djegies me benzinë. Ngjarja ka ndodhur në qytetin e Elbasanit në Lagjen “28 Nëntori”.
Kanë qenë kalimtarë të rastit ata që kanë pikasur këtë veprim të rëndë të personit në fjalë dhe kanë lajmëruar ambulancën dhe policinë.
I lënduari është dërguar me urgjencë në spitalin Kirurgjik të Elbasanit për të marrë ndihmën e nevojshme mjekësore, ndërsa raportohet se ndodhet në gjendje të rëndë shëndetësore.
Nuk dihen ende arsyet që e kanë shtyrë këtë person të ndërmarrë këtë akt të rëndë për jetën.
