Zonja me dy mbiemra, ose edhe zonja Avokate e Shtetit, Alma Bejte Hiçka!
Mësova se më keni bërë një gjyq të vogël publik në Facebook, për një shkrim dedikuar burrave, një ditë pas 8 Marsit – një shkrim limonadë, edhe si balancë pas ngopjes me histori grash, ndaj në respekt të audiencës hodha 25 rreshta për burrat.
Para se të shkruaj pse jeni gabim në gjyqin tuaj personal, Avokate e Shtetit, po ju jap fillimisht të drejtë kur më shpërllnin e përçmoni se nuk jam nënë.
Avokatja e Shtetit shkruan në prolin e saj në Facebook “Kjo s’ka krijuar jetë…”, duke nënkuptuar se unë, ndryshe nga ajo apo gra të tjera, s’mund të flas për burrat, gratë dhe familjen, se nuk kam lindur fëmijë. Më akuzon për lirinë time për të vendosur se kur duhet ta bëj këtë hap, por ka plotësisht të drejtë kur e sheh si defekt apo më quan një grua të mangët, të paplotë!
E pranoj që keni të drejtë kur e shihni këtë si paaftësi timen me burrat. Jo se nuk ka burra, ka me shumicë, por janë të martuar me gra të lumtura dhe të zonjat si ju. Gjatë rrugës sime kuptoj se përse ju që keni pasur fat me ta duhet të bezdiseshit nga ai shënim lozoko-social.
U interesova për ju dhe mësova që keni mbaruar me dhjeta, por, siç duhet ta keni vënë re, kur humbët në Strasburg 13 milionë euro në kurriz të taksapaguesve shqiptarë, dhjetat janë t’i mbash për trofe në sirtarë dhe nëpër CV. Me atë gjyqin e Bashës dolët tmerr keq. Por tani, s’ka gjë sepse do t’i paguajmë ne, qytetarët e thjeshtë. Mes shkrimit të një gazetareje, një opinioni të lirë me kontekst social apo dhe gjinor,
përveçse mund të përplasim lozotë e mendimit, dijet tona nuk i shkaktojnë asnjë dëm shoqërisë. Pra, sado të jem unë një gazetare/grua pa fëmijë dhe burrë në darkë në shtëpi, shkrimi im, që nuk fyen dhe nuk bën të paguajë askënd nga xhepi i pasur apo i varfër për zullumet e atyre lart, siç do bëjmë ne për pallatin e Lulzim Bashës, nuk kanë të krahasuar, zonja Avokate e Shtetit.
Si gazetare, ju më zgjuat vetëdijen se kemi dhe kam përgjegjësi që të mos humb kohë duke folur për lozo
online, burrat kështu e gratë ashtu, por t’i kthehemi punës investigative. Do të interesohem më shumë për paaftësinë tuaj në arbitrazhe dhe sigurisht edhe për kontratën plot hije dhe mister që bëtë me ministrin Gjiknuri me historinë e Cez, ku veç qelbit të Berishës ka ende për të mësuar. Sepse interesi qytetar duhet të na udhëheqë ditën time si gazetare dhe tuajën si avokate e shtetit shqiptar.
Në fund thonit: Mjerë fëmijët ku po i rrisim në këtë vend. Edhe për këtë keni të drejtë. Fëmijët e tu do paguajnë paaftësinë e Avokates së Shtetit në Strasburg. Plot 13 milionë euro.
Me respekt, editorja e Tiranapost.al dhe autore e “25 rreshtave”, rubrikë e përditshme online.
http://www.tiranapost.al/nje-pergjigje-per-sulmin-qe-ka-bere-avokatja-e-shtetit/
