Një orë para protestës së qytetarëve kundër rritjes galoponte të çmimeve, kryeministri Edi Rama do të zhvillojë një bashkëbisedim me qytetarët, duke treguar kështu se ndonëse tregohet indiferent, në të vërtetë ai e ndjen që këto protesta masive po trondisin themelet e qeverisë.
Bashkëbisedimi është paralajmëruar të nisë në orën 10:00, një orë para protestës së qytetarëve kundër rritjes së çmimeve për të informuar punonjës në sektorë të ndryshëm për paketën e rezistencës sociale, ndërhyrjet e qeverisë dhe efektet e krizës ndërkombëtare në ekonomi.
Kujtojmë se, Rama prezantoi dje Paketën e Rezistencës Sociale, ndaj pasojave të krizës globale energjetike, si edhe të luftës në Ukrainë, mbi çmimet e produkteve të ndryshme, ku pavarësisht protestave ai i naftës vijon të jetë i lartë në 217 lekë për litër, duke u tallur me qytetarët.
