Kushtet e mjerueshme në burgjet ku mbahen personat e dyshuar si pjesëtar të ISIS, i kanë marrë jetën një të riu nga Gjilani. Instituti i Kosovës për Studime Ndërkombëtare bënë me dije se Shemsi Gjemshiti nuk ka mundur t’i mbijetojë mungesës së ushqimeve në këto kampe.
Në një lidhje me “ABC e mëngjesit” Bedri Elezi nga IKSN është shprehur se shumë qytetarë i janë bashkuar ISIS pa e pasur të qartë se çfarë po bëjnë.
“Sipas informacioneve brenda regjionit ku janë vendosur shqiptarët në burgjet kurde, mësohet se ka të vdekur nga mungesa e ushqimeve. Mësohet se atje është një gjendje e tmerrshme e të burgosurve. Shumë qytetarë i janë bashkuar ISIS pa e pasur të qartë se çfarë po bëjnë”, tha Elezi.
Elezi i ka bërë thirrje qeverisë së Kosovës dhe asaj Shqiptare të marrin sa më shpejt masat për kthimin e shqiptarëve në atdhe./abcnews.al
