Pavarësisht gjendjes dramatike që shkaktoi tërmeti, në qytetin e Durrësit tenderat nuk kanë të ndalur.
Gjashtë ditë pas tërmetit, Portit Detar-Durrës, ka miratuar lidhjen e kontratës dhe ekzekutimin e tenderit, me objekt “Mirëmbajtje gjelbërimi në mjediset e Portit” me vlerë totale 11 milionë, 865 mijë e 651 lekë të reja pa TVSH, ose afro 134 milionë lekë të vjetra me TVSH.
Opozita nga ana e saj ka akuzuar vazhdimisht se porti më i madh në vend është kthyer në një “han me dy porta” për trafiqet ndërsa kujtojmë se Porti i Durrësit, po përjeton një “tërmet” drejtorësh, duke ndërruar shtatë të tillë në vitet e qeverisjes së majtë.
