Një ditë pas protestës së shtatë kombëtare të opoztës, kryetari i PD, Lulzim Basha është shprehur se bashkimi i dy qershorit është asambleja më madhështore e shqiptarëve europianë.
Basha shkruan se shqiptarët e vjedhur, të dhunuar e të tradhëtuar nuk kërkojnë asgjë më shumë se një shtet ligjor dhe demokratik.
Në një postim në Facebook, Basha ka ndarë me ndjekësit e tij edhe disa foto nga protesta e djeshme.
Postimi i Bashës:
Bashkimi popullor i 2 Qershorit është asambleja më madhështore e shqiptarëve europianë, të vjedhur, të dhunuar e të tradhëtuar, që kërkojnë zgjidhjen e krizës me largimin e shkaktarit të saj, qeveri tranzitore dhe zgjedhje të lira.
Unë e di që çdo shqiptar lufton të ketë të njëjtat të drejta si çdo qytetar europian. Ne nuk kërkojmë asgjë më shumë, por nuk do të pranojmë asgjë më pak për veten se vlerat që na bashkojnë: demokraci, shtet ligjor dhe drejtësi të barabartë për të gjithë.
Ne nuk hedhim asnjë hap pas!
#8Qershor #ShqipëriasiEuropa
