Një ditë pas lirimit të godinës së ambasadës iraniane nga stafi diplomatik që ndodhej brenda, situata përreth institucionit, duket e qetë. Një efektiv qëndron në godinën e ambasadës për shkaqe sigurie.
Kujtojmë se stafi diplomatik, ditën e djeshme pas largimit të tyre nga godina u vu re se kishte mbyllur me çelës të gjithë zyrat, gjë që shkaktoi edhe ndërhyrjen e Forcave të Ndërhyrjes së Shpejtë dhe RENEA-s.
Në ambasadë vijon të valëvitet flamuri i Iranit, pasi anëtarët e stafit diplomatik nuk e hoqën. Pas largimit të tyre, ka shkuar menjëherë pronari i ndërtesës në godinë, pasi kjo e fundit ishte marrë me qira.
